SILAKIN NY AINA

Nampidirin'i nivohanta | 10 Jan, 2011

 

 

SILAKIN NY AINA

Manembona ireo omaly,
Anivon' ny fanamperana...
Nilomano anatin ny hasambarana,
Dinan ny tanteraka...

Foana izao rehetra izao,
Mievaeva an habakabaka...
Ny feonao mandrotsirotsy,
Ny hehinao mamelombelona...

Aiza ilay Silakin ny Aina?
Antsoina toa tsy manohina...
Antsa ho anao...Renao ve ny ritsony?

Iny volana manirery sisa,
Vavolombelon ireo tsiahy
O!Rahoaviana no hikalo?

 

Mousseaux les Bray
10 01 2011

 

île sainte marie 2001

photo d' irène randrianarisoa-rasendra

Post ao anatin'ny Ankapobeny | Hevitra (0) | Verindrohy (trackback) (0)

TOJO ANAO...

Nampidirin'i nivohanta | 9 Jan, 2011
TOJO ANAO

 

Hantahanta,angolangola

Azo avy aminao...

Safosafo,tsikitsiky

Hanembonana anao...

Tambitamby,hirahira

Anananao an' alinalina...

 

Ao aminao avokoa,

Ireo nofy rehetra...

Tongava ry Malala,

Sasa miandry ny Tiana...

Kalokalo sesilany,

Handrotsirotsy antsika...

 

Hivazo tsy hiato,

Ny fanahiko sy ny anao...

Dia ho tojo ny fanamperana,

Nirina hatrizay...

Hisononoka mora,

Ny androntsika izao...

 

 

Nancy 15 05 2010

Post ao anatin'ny fitiavana | Hevitra (6) | Verindrohy (trackback) (0)

HAMBOLOIKO AMINAO...

Nampidirin'i nivohanta | 9 Jan, 2011

 HAMBOLOIKO AMINAO...

 

MANDA miaro ny ho aviko,

Mampamiratra ny ankehitrio...

Masoandro mamelon 'aina,

Loharanon'ny fahasambarako...

 

Liana ny hitositosy,

Sy hiangoty anilanao...

Faingana ry ilay ora,

Higoga ny fanamperana...

 

TOJO ny tanteraka,

Malaina iala an tratranao...

Eo no fitsaharana,

Ho an' ny  fanahiko...

 

Hamboloiko aminao,

Hamamina ts' isy fetra...

 

Henika anao,

Ny momba ahy rehetra...

 

Mousseaux les Bray

04 01 2011

 

Tana 1979

 

 

 

Post ao anatin'ny Ankapobeny | Hevitra (0) | Verindrohy (trackback) (0)

EMBONA...

Nampidirin'i nivohanta | 9 Jan, 2011

 EMBONA

 

Dify tsy taza maso,

Ilay nanaitra ireo nofy rehetra,

Tadiavina mandava-taona,

Ny sorany manaloka...

 

An dohasaha,antampo-kavona ,

Ahitana azy avokoa.

Miramirana,mifaly havanja,

Miara-paly amin' ny tontolo...

 

Ny riana mikalo ny anarany,

Ny masoandro misalotra ny endriny.

Ireo vorona miara dia,

Hirona any amin ny akaniny...

 

Sompatra ny vintana,

Nampisaraka olo-tiana,

Embona sy vetsovetso

Sisa hampitaina any...

 

Miandrandra ilay volan -tantely

Iraisan' ny fo mifangia,

Ao amin ilay paradisa,

Fanamperana ho ahy sy ho anao...

 

Mousseaux les Bray 04 05 2010

Amborovy-Majunga

 

Post ao anatin'ny Ankapobeny | Hevitra (0) | Verindrohy (trackback) (0)

«Mialoha   1 2